takot sa asawa.
ipanghambog ba daw na?
ang laki, ginakaulaw na nila.
usahay mukatawa sila sa kantyaw,
apan, hinay-hinay na ginalamoy niana ang ilahang respeto ug kumpyansa sa sarili.
kung ikaw babaye,
para sa akoa,
dapat nimo ikaulaw kung makantyawan imuhang hinigugma ug in-ana.
dapat ka mabalaka kung tawag sa imuha kay "master" o "commander."
ayaw na ipanghambug oi.
wakoy respeto sa imuha kung ipanghambug nimo na sa akoa.
makaluluoy kaayo imuhang uyab o bana ana, samtang ikaw gabalandra sa tibuok kalibutan nga ingon niana inyuhang panag-uban.
kaluoy nimo.
ginapahambug nimo nga…
hadlok siya nimo?
nga magkurog-kurog siya kung di matuman imuhang gusto?
kung magdagan-dagan siya usa ra katawagan maski naa siya’y maayong rason ngano di mo kauban?
kung kinahanglan biyaan niya tanan niyang gipangbuhat tungod lang kay ga-langi ka?
kung di nalang siya mutingog samtang imuha siyang ginakulata ug ginapasagdahan nalang ka mag-wild diha?
kung siya nalang mangayo’g pasaylo maski’g klaro na kaayo nga ikaw naay sala?
kung siya mubigay sa tanan nimong gusto maski para sa iyaha mali na?
kung wa na siya’y laing gina-atubang kung di ikaw nalang? wa nay mga amigo? wa nay laing gina-atiman, ikaw ra?
kung gahilak-hilak na ug nakutaw na iyahang ulo ug unsaon ka pagsabot samtang ikaw padayon ra sa imuhang ginabati ug pagyawyaw?
haaaaaaaaaaaaaaayyyyyyy.
di dyud na angay ipanghambug para sa akoa.
respetua siya aron makabaton pud siya’g kumpyansa.
paminawa siya aron masabtan pud nimo iyahang mga prinsipyo.
higugmaa siya, nga di na siya kinahanglan mangutana pa.
ihatag ang dignidad nga angay niya.
tan-awa…
ihatag na niya imuhang mga panginahanglanon usa pa ka mangayo…
dili tungod kay nahadlok siya,
apan ginahatag niya na tanan tungod kay lipay siya nga palipayon ka.
dili ka niya ginatawag ug
master (kay ikaw diay masunod pirmi?).
o kumander (kay cge ra pud kag panugo ug yawyaw).
o ginoo (kay pinakataas diay ka sa tanan, mura ka’g Diyos?).
o hari (kay gapangurog siya nimo).
ang lalaking nahigugma ginatawag ka ug…
pinalanggang prinsesa… 
